聽日終於做肺電腦掃描

今日又去覆診。又係見劉醫生。呢個女醫生真係我見過當中，最難相與。

口黑面黑，講野mean，難以理解。
佢原本幫我去book去做掃描，但有個方法以淋巴癌病人去book，就可以去私家醫院去照。呢個計劃係俾淋巴癌病人，去照胸口有冇淋巴瘤。

我呢d血癌原本係做唔到。佢詐第當我係淋巴癌先得。其實要唔該佢，佢身為醫生係有風險的。

個時我講佐句，“我係淋巴性淋巴瘤”，我呢個病，急性淋巴性白血病的另一個名。我原本係想話問清楚佢2者有冇分別，淋巴癌同白血病點分，因我上網睇其實治療方法同病理都一樣。

點知佢好似發惡咁，佢以為我話佢唔應該咁做。哈哈，我當頭呆佐，我唔明佢，佢唔明我，睇完佢先諗返起，先知佢會錯意。

臨走個時俾佐張申請延續傷殘金ge form佢，點知佢又串貢貢咁講話而家係睇病時間，唔做行政野，又話唔可以咁自私咁話，又話醫生姑娘都要食飯，好多病人係出面。

我鬼知你幾時做幾時點樣呢，社署只係叫我俾醫生就算，唔洗我follow。佢就咁叫我擺低，睇都冇睇。

事後諗返起，都唔知會唔會幫我搞。
佢呢個人講野真係令人摸不著頭腦。冇溝通技巧。so mean。好奇怪。又會俾佢做得到顧問級都有。

不過，算了。佢令我快d做到肺電腦掃描就算啦。

聽日3點去荃灣港安醫院都照。
這個是我的出生地。

係了，之前個心臟超聲波冇問題。我諗我要有心理準備，是肺有唔知咩ge情況，肺纖維化都有可能。算了，諗來諗去都係冇用的。

做人其實真係幾難，受苦，受完一樣又到另一樣。

近排看了些佛經，有地藏經。輪迴轉世，生老病死，不停重覆，真的好無聊。用呢個邏輯解釋，可能我前前世世做錯事，今世受返這個果。要改變命運，就要行善積德。

算了，命運這回事……我handle不到了。

眼鏡

今天副眼鏡爛了，中間斷開了。
這副眼鏡都伴隨了我好幾年，由中六帶到而家都可能５年啦。
要和它講再見啦。

夜晚諗著去配個副，全家都出佐去，點知天耀平Ｄ個間眼鏡鋪閂佐門，我地都唔係好晏去姐，咁早就閂了。得返間眼鏡８８。心諗呢間幾貴下。都係等日再黎過。

星期三見佐周姑娘，原本諗著問下佢能否同其他部門協調一下，早Ｄ俾我做肺部電腦掃瞄。
原來佢都跟得幾足，有個list寫低洒我要做多咩檢查。除佐做肺的電腦掃瞄，仲要做埋心電圖。

我諗可能肺同心臟各有問題都未定。但我記得做化療前都做過測心臟的野，如果個心本身有問題應該當時就check到。一係就係化療藥影響到我心臟的功能吧。

哈，我諗呢Ｄ都可以好嚴重下。但而家都係估唔到了，不過都要做定心理準備，可能又有更大的打擊。都唔知做唔做到骨髓移植tim......原本仲諗著可以在４月裡做移植，而家又要唔知等幾時lu......

算吧，就算驗到咩都好，都要頂住了。 我還有阿爸阿媽，我也要為他們著想，沒了我他們以後日子怎麼辦呢......我想我最放不下的都是他倆。

 唯有盡人事，聽天命。

今天做了足足一個鐘運動，包括focus t25同踏電單車。希望keep著繼續做，鍛鍊身體，盡了人事，盡最大努力。

係了，星期三見完周姑娘後，就有電話打來通知我４月１７日做心電圖。

見了肺科 有點驚

今天很早起床。早上7點幾就起身了，原因係要去睇肺科。這對我來說是早了，可能是身體問題，平時會睡得很久。睇完肺科到而家，講真，我很害怕……我不知可以怎樣做。

肺科醫生話之前的肺功能測試，見到我換氧功能出問題。正常人在那個測試係80%，我得57%。後來我翻查網上，是叫ventilation/perfusion ratio。即係我換氧功能差，V/Q ratio低，唔知點解叫V/Q唔係V/P。佢話，呢個情況可能有3種，其實我唔太記得佢講乜。第一，係有野塞佐肺的血管，如血塊；第二，係本身我白血病影響了；第三，可能係纖維化、纖維瘤。

之後返佐屋企，當然想知更多的我在網上search下，原來問題可以好嚴重。如果係第一種情況，可能係慢性阻塞性肺病，可能係遺傳、空氣、污染、食煙等等。肺栓塞都有可能，病因簡單來講係血管內血液形成板塊，流至肺部的血管。

by baidu
慢性阻塞性肺疾病是一種重要的慢性呼吸系統疾病，患病人數多，病死率高。由於其緩慢進行性發展，嚴重影響患者的勞動能力和生活質量。COPD患者在急性發作期過後，臨床症狀雖有所緩解，但其肺功能仍在繼續惡化，並且由於自身防禦和免疫功能的降低以及外界各種有害因素的影響，經常反復發作，而逐漸產生各種心肺並發症。

肺栓塞是指肺動脈及其分支由栓子阻塞，使其相應供血肺組織血流中斷，肺組織發生壞死的病理改變，稱為肺梗死。栓子常來源於體循環靜脈系統或心臟產生的血栓。老年人長期臥床，手術後臥床，產後和創傷之後易形成靜脈血栓和栓子脫落導致肺梗死。本病屬重危症，常可發生猝死，本病並非少見，臨床易誤、漏診，常從屍檢中證實。

呢2種病，其實亦嚴重。但醫生都問過我有冇氣喘，因都是症狀，但我又冇。不過我覺得最有可能都係呢2樣了。


第二種情況是我白血病癌症本身，呢樣更加唔清楚。
第三種上網睇都幾嚴重，肺纖維化冇得醫，只有惡化下去。

而當中肺栓塞，我覺得最有可能，這病最常見。
 
這病常見於長途機客，坐得太耐，令腿部血液形成血塊。或者我平時坐得太耐，化療期間在醫院臥床太久，都有可能。這病嚴重的，就可能會猝死，血流唔通卡住血管。

其實真係愈看愈怕...... 

但又可以怎樣呢？本來諗，可以快點做移植，現在唔知有冇得做了......
點知一單未完，而家到我個肺出問題.....
生存真是一種考驗，是很難得的。
肺科醫生要我做肺部電腦掃瞄，但係去到放射科登記，佢當我普通証登記，俾返張紙我，話2個月內打返俾我，如果冇打返俾我，就要我打設俾佢個number。
而肺科下次覆診要去到5月19號。而又要我聽日抽血，加埋我聽日血科本身例血，要抽2次。

真係等完又等。始終肺科同放射個邊都唔知我病情太多，我呢個白血病唔等得，唯有搵返血科幫幫忙。

聽日抽完血，去返血科日間門診到問問護娘，睇下可唔可以叫醫生幫我同放射個邊協調一下，早Ｄ做肺部掃瞄。唔得的話，睇下可唔可以私家做。

係了， 上星期六清明節，爸媽各食完一個拜神用的包，小便時發覺呈排粉紅色。起初阿媽發現，我們擔心她婦科毛病又來，打算去急症室。後來老豆都有，先知原來係個紅色包的作怪，唔係的話，又要去急症室。


 

又抽血

星期三，又要抽血了。這幾天天氣麻麻，雨不停地下，前幾日仲落冰雹，反常得很。
連又一城的天花板亦都塌下來。

明天又是要覆診見醫生了，要看看怎樣安排見肺科，同幾時有位俾我做移植。
下午雨停了，便落留下跑了一陣，在家做下workout。
哈，咁又一天，平凡是多麼好的。