瑪麗

去到瑪麗醫院，等了成個幾鐘，先見醫生。醫生話我肺功能弱，要俾肺科醫生睇下。之前做過2個肺功能測試，分別51同55分，但佢話正常後生仔要有80分，雖然移植要求要50分先做得，但想睇下我有冇問題。心諗，個陣已經做得好辛苦了，吹氣吹到攞命……原來都係差咁遠。

這麽多年來，都常有這種感覺。就是無論我怎樣努力，最後都係白費居多。今次，又是這般。

骨髓移植有很多難以想像的事，例如併發症，亦會減弱肺功能。而家的我肺功能已經弱，移植時應會變得更差。

醫生另外亦話捐贈俾我的人同我的血球可以話完全吻合，8個點都相同。

骨髓移植，我自己上網search過，知道好大風險，可能有的負作用，排斥同併發症都極多，根本冇辦法預計。仲有，做完唔代表冇事，只係得5成機會好返，患其他癌症的機率亦會增加好多。

你問我驚唔驚？我唔識答。我就係想盡快結束這一切的煎熬。生定死，算了。