姨媽來了

今日又抽血，去返血科揾周姑娘講解骨髓移植。佢好細心咁講，佢可以話係我見過最好的姑娘，上佐年紀樣仲keep到，又好相與。

講佐都幾耐下，大概關於買底衫，喉仔護理。
又俾佐張紙我，下星期一去瑪麗醫院，去放射科度位。

跟著落佐去X光部去拎張野裝希克文導管。
點知落到去撞正食飯時間，等佐半個鐘下午1點9先開。

去完X光部又要去C9內科病房，又要搞文件手續。等佐半個鐘先搞掂。6月4日我會入院抽骨髓，5號裝喉仔。

又係6月4日，上年的當日我腳痛到癲，那晚在天后廟給一個神婆驅邪。年年六四都諗著去遊行，點知都係冇成事。算了，今日唔打咁多，留返個日打。

搞掂哂所有野，都成3點，返到屋企都3點幾。好餓。

食完碗米粉冇耐，姨媽就來到。